Bli med på feiring av Lom Tamreinlag laurdag 10. oktober på Norsk fjellsenter, kl. 12.00–17.00. Det blir blant anna fleire foredrag, bildeframsyning, musikkinnslag og aktivitetar for barn.

Lom folkebibliotek og Norsk fjellsenter inviterer til foredraget "Beredskapshagen – slik får du mat ut av plenen" med Anders og Barbro Nordrum. Arne Brimi kjem også for å seie nokre ord om mat med identitet.

Foredraget vil gi ei enkel innføring i erfaring og kunnskap om dyrking og lagring av ulike grønnsakar, der også gammal kunnskap har ein plass.

Grunna stor interesse, ber vi alle kjøpe billett på førehand. Kjøp billett til foredraget her: https://www.letsreg.com/no/register/foredrag-beredskapshagen

Ta med familie og venner ut på sopptur!

Soppar du er usikker på, kan du ta med til soppsakkyndig og få kontrollert på fjellsenteret frå kl. 14.00 søndag 30. august og søndag 6. september.

Bli med på jubileumstur i Ottadalen landskapsvernområde, som er eit av seks store landskapsvernområde knytt til Reinheimen.

Turen startar frå Åslie i Lom og går opp i høgfjellet til Honnsjoen. Frå Honnsjoen følgjer vi «Olavsråket» over Liafjellet til Stavbrekka og Stavåsen, vidare ned setervegen til Staurust og attende langs Skim til Tronodden.

Turen er i regi av Nasjonalparkstyret for Reinheimen og Besøkssenter-nasjonalpark Norsk fjellsenter. Reidar Marstein blir med som kjentmann og vil bidra med sin kunnskap undervegs.

Oppmøte utanfor Norsk fjellsenter for samkøyring kl. 10.00

Ta med familie og venner ut på sopptur!

Soppar du er usikker på, kan du ta med til soppsakkyndig og få kontrollert på fjellsenteret frå kl. 14.00 søndag 30. august og søndag 6. september.

Norsk fjellsenter inviterer til foredraget "Startskotet for norsk klatresport" med Knut Ihlen Tønsberg. For 150 år sidan drog tre karar gjennom Jotunheimen for å nå toppen av dei "heslege" tindane. Engelskmannen Slingsby, bergensaren Emanuel Mohn og Knut Lykken frå Østre Slidre.

I den brearkeologiske utstillinga vår Frose i tid, kan du sjå gjenstandar som fortel om liv og ferdsel i fjellet fleire tusen år attende i tid. Mange av funna er frå området vårt – Jotunheimen, Breheimen og Reinheimen.

I juni får utstillinga fleire nye gjenstandar, blant anna eit rundt 300 år gammalt hesteskjelett som er funne på Lendbrean i Breheimen.

Norsk fjellsenter og Klimapark 2469 har saman med Innlandet fylkeskommune/Secrets of the Ice og Kulturhistorisk museum ved Universitetet i Oslo vunne den høgt verdsette Europa Nostra-prisen “European Heritage Awards” i tillegg til “Grand Prix”. Utmerkinga er ei anerkjenning av det langsiktige arbeidet med å ta vare på dei unike kulturminna som kjem fram når gamle snøfonner i fjellet smelter og trekkjer seg attende.

Onsdag 3. juni blir det open dag på den arkeologiske utgravinga på Netoseter i Lom. Kulturhistorisk museum og Innlandet fylkeskommune samarbeider med Norsk fjellsenter om å grave ut nokre av tuftene på Netoseter. Utgravingane går over to år, og denne dagen er publikum invitert til å sjå og høyre meir om arbeidet.

Mari deler si personlege reise med den kroniske sjukdommen endometriose og korleis naturen, Noreg på langs og friluftsliv har blitt ei kjelde til styrke, meistring og nye moglegheiter. Ei ærleg og inspirerande forteljing om kor mykje naturen kan gi – frå små steg ut døra til store endringar i livet.

Fullteikna! Ingen billettar att. I samarbeid med Lom folkebibliotek inviterer vi til foredrag med den prisvinnande biologen og forfattaren Dag O. Hessen. Til hausten kjem han med boka «Brefallet – om breliv og bredød», som handlar om vårt forhold til brear og om konsekvensane av bresmelting. Foredraget vil handle om dette. Boka er den siste i ein triologi om naturtap og tid, etter «Jervesporet» og «Fugleperspektivet», og ho vil vera illustrert med bremåleri av Kjetil Skaansar som har røter i Lom.

Champions of the Golden Valley er ein prisvinnande dokumentar som tek oss med til ein avsidesliggjande fjelldal i Afghanistan, der ein spirande skikultur har blitt eit samlingspunkt for både glede og fellesskap.

I programmet «Ekspedisjonen» som vart vist på NRK nyleg, kom ikkje nokon av deltakarane til topps på Denali (6190 moh.) i Alaska. Kan det vera at to lomverar klarte det for 30 år sidan? Det kan du finne ut om du kjem til Norsk fjellsenter 19. februar. Da vil Kjell Ola Haugen fortelje og vise bilete frå ein tur han gjorde saman med Roar Svensbakken i 1995.

Ferskvassbiolog og forfattar Trygve Hesthagen tek oss med på ei reise gjennom sju tusen år med fiske og fiskekultur i Lom. Med utgangspunkt i den heilt nye boka "Bygdebok om fisk og fisking i Lom – ei sju tusen år lang historie" fortel han om dei eldste fangstanlegga i området, korleis fisket har forma lokalsamfunnet, og korleis tradisjonar, kunnskap og forvaltning har utvikla seg frå steinalderen til i dag.

Vi sparkar i gang 2026 med ei oppfølging av skredkvelden og invitererer i samarbeid med Nasjonalt kompetansesenter for fjellredningtil ein kveld med samtaler rundt skredutfordringar. Her kan du stille alle dei spørsmåla du ikkje rakk før jul, diskutere og reflektere saman med andre interesserte. Gratis inngang, men hugs påmelding. Velkommen!

Brearkeologane kjem til Norsk fjellsenter for å gå gjennom årets funn. Vi byr på frokost, foredrag med bilder frå feltsesongen og visning av dei “ferskaste” skattane som har smelta fram frå isen.

Det håpar vi at du vil vere med på!

Meld deg på ved å sende sms til 476 14 806 seinast 2. desember.

Velkomen til ein kveld full av inspirasjon, læring og turglede – enten du er erfaren toppturentusiast eller berre likar kaffe, fyr på peisen og gode fjellhistorier!

Frå kl. 18:00 opnar vi dørene med peiskos, kaffe og kakesalg før vi tek deg med inn i tema som trygg ferdsel, planlegging, og det som verkeleg betyr noko – gleda ved å være ute.

Bjørn, jerv, ulv og gaupe har vore nær ved å bli utrydda i Noreg. No er dei på veg tilbake, og det finst knapt nokon andre artar som engasjerer folk så sterkt som denne firkløveren. Vi skal dykke ned i biologien til rovdyra for å forstå korleis dei kjem i konflikt med menneskelege interesser – samstundes som folk let seg fascinere, uansett ståstad.

Brear har forma landskapet vårt gjennom ei rekke istider. Dei har skapt fjordar, dalar og fjelltoppar. Det er om lag 275,000 brear i verda i dag og saman med dei to store innlandsisane Grønland og Antarktis lagrar dei heile 70 % av verdas ferskvatn.

No smeltar breane i rekordfart. FN har erklært 2025 som Det internasjonale året for bevaring av brear. Initiativet kjem frå Tadsjikistan.

Torsdag 5. juni inviterer vi til opning av den nye utstillinga NÅR ISEN BRYT på Norsk fjellsenter.

Foredraget er basert på Torstein Storaas sin artikkel i Jakt & Fiske "Villrein og tamrein: Ei art – dyrka av to kyrkjer".

Eit foredrag om naturen vi mistar, og korleis vi kan få den attende.

Marit Beate Kasin, forfattar av den svært aktuelle boka Naturparadokset, setter søkelyset på det store naturtapet som foregår rundt oss. Sjeldan har ei bok vore meir relevant i ei tid kor stadig fleire blir oppmerksomme på korleis naturen blir bygd ned og dyra forsvinn.

2025 er det internasjonale året for brebevaring, og det ynskjer vi å markere ved å samle ei handfull solide fjellfolk til å snakke om sine erfaringar med breis.

Denne kvelden passar for alle som likar friluftsliv og gode historier.

Gudbrandsdalsmusea saman med Villreinarven og Norsk fjellsenter arrangerer tre føredrag med Reidar Andersen om den nye boka hans Den lange reisen.

Lei av å fryse på hendene? Kanskje den slitne skalbuksa inst i boden kan få nytt liv som lune, gode vindvottar? Bli med på kurs på Gamle banken med Lom Husflidslag over to kveldar.

Lei av å fryse på hendene? Kanskje den slitne skalbuksa inst i boden kan få nytt liv som lune, gode vindvottar? Bli med på kurs på Gamle banken med Lom Husflidslag over to kveldar.

Drøymer du om å gå dei høgste tindane på ski? Kanskje du trivst best i oppkøyrte skiløyper fordi du er litt usikker på kva som er skredterreng? Eller er du ein nyfrelst høkkar? Ta med ein venn, mor di eller naboen og bli med på skredkveld! Påmelding på sms. Maks 80 plassar.

Brearkeologane kjem til Lom for å gå gjennom og pakke ned årets funn. Det blir lett frokostservering og kaffi, foredrag med bilder frå årets feltsesong og du får høve til å stille spørsmål. Bli med!

Kva skjedde då Arentz forsvann? Den myteomspunne fjellvandraren Fredrik Arentz er hovudpersonen i foredraget til Inge Kjell Holme på Norsk Fjellsenter 29. august. Du får også høyre om naturvern, turglede og kvinnelege klatrepionerar som i lag med lokale fjellførarar besteig dei høgaste tindane i Noreg.