Bokbad med lune tonar med forfattar Guri Sørumgard Botheim og musikarmannen hennar Sigurd Brørs.

I vår fekk Guri Sørumgard Botheim strålande kritikkar for boka Høgfjellsmeldinga. Boka handlar om Ragna Svae som får seg jobb som kommunikasjonsansvarleg ved Norsk villreinsenter på Hjerkinn. Der blir ho sett til å skrive ein NOU-rapport om villrein. "Kven er fjellet sine heltar og skurkar?" spør Ragna, og svaret hennar set fyr på eit betent tema.

Det blir samtale om Høgfjellsmeldinga mellom forfattar Guri Sørumgard Botheim og Rita Mundal ved Lom folkebibliotek. Musikar Sigurd Brørs set stemninga med songen "Fjell og vilje" som er komponert til boka.

"Høgfjellsmeldinga er ein poetisk pageturner om kontorliv, naturrestaurering og radikale meiningar, om forelsking, hemn og usynlege drivkrefter." (https://oktober.no/hogfjellsmeldinga)

Bokbadet arrangerast i samarbeid mellom Lom folkebibliotek og Norsk fjellsenter.

Bokbadet startar kl. 19 på Norsk fjellsenter.

Inngang: 100,-

Portrettfotograf: Benedikte Skarvik